აჭარა ტურმა ჩაატარა ტრენინგ-სემინარი კრუიზების გაყიდვის შესახებ

ტურ-ოპერატორი „აჭარა ტური“, რომელსაც საქართველოში 14 წლიანი გამოცდილება აქვს საკრუიზო გემების მომსახურებაში და საკრუიზო პაკეტების ფორმირებასა და გაყიდვაში, საერთაშორისო საკრუიზო ტურიზმის ბაზარზე შემოდის და თანამშრომლობას სთავაზობს ტურ-ოპერატორებსა და ტურისტულ სააგენტოებს 20-ზე მეტი საკრუიზო ხაზის საზღვაო და მდინარის ტურების გაყიდვაში, რომელთა შორისაც გახლავთ: Costa, MSC, Royal Caribbean, Norwegian, Oceania Cruises, Crystal, Silversea, Ponant, A-Rosa და CroisiEurope.

ხოლო 2019 წლის 27 სექტემბერს კი, 11:00 საათზე, სასტუმრო Holiday Inn-ში „აჭარა ტური“-ს მიერ კრუიზების გაყიდვის შესახებ ტრენინგ-სემინარი ჩატარდა.

ღონისძიების პროგრამა ოთხი მოდულისგან იყო შემდგარი:

1. კრუიზების, როგორც პერსპექტიული ტურისტული პროდუქტებისა და საკრუიზო ხაზების “სტანდარტული“, „პრემიუმ“ და ლუქსი“ კლასის პროდუქტების პრეზენტაცია.
2. საკრუიზო მოგზაურობის ზოგადი მახასიათებლების პრეზენტაცია: განთავსების კატეგორიები, ლაინერის ინფრასტრუქტურა, კვება და გასართობი პროგრამები. აგრეთვე, კრუიზების გეოგრაფია.
3. კრუიზების ონლაინ მოძიება და დაჯავშნა: B2C, B2B სისტემები - როგორ უნდა იპოვოთ, აირჩიოთ და შესთავაზოთ საკრუიზო პაკეტი კლიენტს. გარდა ამისა, დაჯავშნის პირობები და ინფორმაცია საკომისიოების შესახებ ტურ-სააგენტოებისთვის.
4. ტრენინგი ტურისტული სააგენტოების მენეჯერებისთვის: კრუიზების მარკეტინგი, პროდუქტის პოზიციონირება, რეკლამა სოციალურ ქსელში და ინსტრუმენტები, რომლებიც მოთხოვნასა და გაყიდვას უზრუნველყოფენ.